Friday, April 07, 2006

都市照妖鏡－－死車霸死地

LU9XX6嘅車主聽住，你嘅惡行已經被檢舉出來，明知拜山人多，竟然貪圖方便，將部車泊到過晒界，等人地冇得泊，如此行為，不應感到羞恥嗎？！

個泊車位係就係細咗d，但都冇理由打橫行任意妄為，不顧別人死活囉。-_-

乘客可以先落車，同埋兩邊嘅車鏡應該收埋，我奇怪你點解唔索性將架車打橫泊，或者直頭再泊過d,泊正喺中間咪仲好。

一架車泊兩個位交一份錢，梗係冇咁易啦，所以就古古惑惑詐詐〔帝帝〕泊過界，等其他人泊唔倒入嚟．．．．．．

成個香港都充斥住d咁嘅人，公德心, no la~

如此劣德敗行，總讓我恨得咬牙切齒啊～





posted by winking @ 11:10 pm 

12 Comments:

Anonymous Anonymous said...

哈, 可能此人的泊車技術太不濟了~

一看你這一類文章, 心裡都會覺得很"爽"~

2:27 am  
Blogger winking said...

呵呵呵～謝謝kenken啊～^^

慣咗不平則鳴，改唔倒，以前成日同人鬧交，有次有人趁混亂（打尖），我出聲話佢地，對方甚至話要打我喎～

d人真係過份，－＿－，我真係唔怕佢地，夠膽咪打我囉，自己唔守秩序橫行霸道，我最深惡痛絕！

8:42 am  
Anonymous Anonymous said...

wing獸我非常欣賞你呢種不平則鳴，對事不對人既態度，因為我也絕非善男信女啊!

你雖稱wing獸，但卻是做人既典範。

有些人自稱為人，卻是連公德兩字也不懂寫，寫得出也不懂做，與飛禽走獸無異。

10:17 am  
Blogger winking said...

Mon,你太抬舉我喇～面紅了啊．．．．．．:)

現代人真係愈來愈缺乏公德心，某些人嘅品行簡直係直插谷底．．．．．．-_-

咦～大家果然都係熱血女子呀吓～

我真係唔怕人惡，最討厭人自以為之，以為自己大晒，可以好似蟹咁打橫行．．．．．．

10:28 am  
Blogger 小丑 said...

有無去管理處投訴？

10:54 am  
Blogger winking said...

有職員行過見到，佢應該會有next step...

香港人點解會咁自私嘅呢？可唔可以顧吓人地嘅感受，安份一點．．．

11:19 am  
Blogger XexeX said...

咁泊法，唔驚俾人"拉花"咩？

2:19 pm  
Anonymous Anonymous said...

真的真的很可惡！
你說起公德心，我心裡也有氣！每天乘地鐵上班，看見明明地鐵入面還有空位，但那些人的雙腳就像"被"貼上了AA超能膠一樣，動也不動！最可惡的那些似乎忘了地鐵是一種"公共交通工具"，硬要保留屬於自己的空間，就像畫了粉筆圈一樣，誰也不要奢想可踏進去！還有最氣人的情況是，明明人都不夠位置企了，還要打開那份免費報紙，可知道那佔據了多少空間？？？！！！我欣賞你讀報，但也請在適當時候配合空間才讀吧。唉，曾打趣跟我老闆說，說不定有天你們早上會接到電話，要到醫院（因為多口而被打）或到警署（因為忍耐不住打人了）接我．．．　不過，現在我通常的做法是，說了一句：唔該借借以後，就自己鑽進空位去。與其要等那些人自動自覺發現有人要進，然後再等那些人讓開，倒不如我先走一步了。
哈，如果有天你在車廂發現有名女子在似乎"人多擠迫"的情況下企圖在車廂內鑽來鑽去，=D 說不定是我!

by cheer

8:16 pm  
Blogger 小丑 said...

恕小丑直言，只係係個blog度寫幾隻字，有乜值得讚？仲話欣賞？係呢度寫有乜用，真係做野既就同個管理員講，唔好諗住佢"應該"會有next step，佢又諗住妳應該會去樓下office投訴，然後佢亞頭做next step，到頭來原來無人做過野。淨係諗唔做，仲差過諗到唔諗當睇唔到。
講完。

1:03 am  
Anonymous Anonymous said...

wing獸簡直講晒我想講既野,
我試過幾次搭地鐵,
明明車箱已經無位,
但d人仲係要迫入黎,
我就會忍唔住講句..
"無位啦, 仲迫"(語氣重)
d人先唔再迫,
仲有,
我每次去睇戲,
都被後面既人用腳踢我張櫈,
仲要越踢越過份,
如果係普通戲院我都忍下你,
但幾次都係IFC睇,(IFC既櫈都超級寛下)
餐餐如是,
有次我忍不住,
向後面講左句...(幾想起埋身呀)
"你錫夠未"(講既時候咁啱都幾靜,好多人都聽到我講, 佢當時瘀到爆)
仲有,
係香港迪士尼,
好鬼多國產去玩,
唔駛講大家都知佢地幾有秩序架啦,
我係度排隊,
一個屈尾十就走到我前面,
當時我就好大聲咁講,
"有無搞錯, 打尖, 大陸人真係無家教",
不過香港人都好怕事,
竟然無人出聲...

Tessa

3:48 am  
Blogger winking said...

Joker,別人讚我欣賞我係我嘅榮幸,我心裡感激係好自然嘅事,冇錯,寫blog寫哩d嘢可能正如你所說係[係呢度寫有乜用],我本意係揭示香港人一些缺德行為,分享一下個人感受,照你這樣說,其他人寫社會寫民生寫不公平現象,也是如出一轍,我睇唔出有咩分別,除非你認為佢地寫嘅嘢比我高尚......

你說我[有乜值得讚？仲話欣賞？]坦白說我心裡真是有點生氣,不過個人見解就是個人見解,這個我是很尊重的。

當時我和朋友一起,他們正在趕時間,我要求他們讓我拍幾張照片已經很麻煩別人了,試問又怎能不顧及朋友的感受,離群而去做自己的事呢?要是我獨自一人,或朋友都沒所謂的話,我必定會走去管理處投訴此事的。

最慘是no,我沒有別的選擇,除非我決心要跟朋友爭吵鬧意見......

我慣了遷就朋友,以他們為重,或許我這樣做是有錯的,但很希望你不要對我產生誤解,我並不是在嘩眾取寵,光說不做,拿這些話題來取悅別人......

--------------------------

Xexex,
可能車主沒顧慮到這些吧?聽說泊停車場,間或有被"拉花"的事情發生,我有朋友總會非常小心地將車鏡收好,把車泊得較為安全些......

Cheer, Sa,
令人氣憤的事情真的多不勝數呢!
妹子有位朋友一直說很欣賞我敢言的作風,因為我曾經說過的一句話,令好印象很深:

有次我在超市買東西,付款時排在我後面的婆婆不停將手推車推向前,好幾次碰上了我,後來我很禮貌地告訴她,她卻依然固我......

於是我跟她說:「要是你趕時間,那我讓你好了,但請不要再用手推車撞我,好嗎?」

妹子的朋友說,說得好啊!阿婆又怎樣?阿婆有錯都要鬧!

香港地有很多持老賣老的人,很多人認為我們不應與他們計較,但難道就任由他們喜歡怎樣便怎樣嗎?

我可不受這一套的......

2:25 pm  
Anonymous Lionel said...

It will not work in fact, that is exactly what I think.
yellow flats | mortgage rates | bankruptcy

11:44 pm  

Post a Comment

<< Home