惡靈退散!!!還我清清白白

黛跟我說起這晚在回家的車程中所遇到的怪人：

其讓人咋舌之行為包括：黏口水、抓頭皮、挖鼻孔，（黛開玩笑地說這或許能加速鼻腔內髒物之分秘），然後再將手指放進嘴裡。（清洗鼻垢？-_-)

事發時黛正從熟睡中清醒過來，透過車窗的玻璃，近距離地將這過程盡收眼底；由於感覺太強烈，事後遂二話不說地即時致電我告知大概。幸好我也有過更糟的經驗，初中時曾被同學彈鼻垢到我的中國語文課本上，最後因太厭惡而撕去了那頁角，故此聽說以後還可吃掉一碟三色蒸水蛋而不覺嘔心。

當眾〔開鑛〕雖不算觸犯法例，但鑛開得多，採探過度，洞口就會變大；洞口變大，不但不美觀，也會影響個人衛生，容易吸入微塵及細菌，因而生病。

這次事件堪稱為礦難，只是苦主不是礦主，而是偶然路過的黛san呢～

補充資料：

就此事件我們還天馬行空地引發了一連串之聯想：
（以下將直接寫鼻屎，以取代鼻垢一詞。）

W獸：遇到人渣，等同往臉上貼鼻屎，點解我要做人渣堆田區，我塊面可唔可以唔貼鼻屎，貼金箔呢？（借喻法）

黛：鼻屎含有protein嫁，因為細菌跟唾液混合後會形成痰涎，咁痰涎又會變成鼻屎，口水含有protein,所以鼻屎就含有protein喇～

W獸：吓？咁用鼻屎做嘅〔媽屎〕，敷咗咪可以好靚，好似敷咗S仔咁．．．（瘋狂想法，胡說八道．．．）

黛：唔知喎，唔知吸唔吸收到，唔肯定有冇效．．．．．．（且怕有效都應該冇人願意試啦）

W獸：我哋咁認真討論鼻屎嘅功效，既難得又特別，我可唔可以寫低佢post出來呢？

黛：好喔，寫啦，努力啦！

W獸:哈～我都講過啦，其實我都可以好粗鄙嘅，爛都可以，尤其係比人激興咗．．．．．．

－－－－－－－－－－－－－－－－－－－－－－－－－－－－－－－－－－

近日非常不爽之事情如下：

有人overcommit，講到前景好好，但又一時一樣，唔知佢有咩嘢plan．．．．．．
有人成日比面色我睇，又扮晒野，廢話係少講咗，但態度令人想不停咁抽打佢．．．．．．
有人一開始就存心欺騙，鬼鬼祟祟偷蕃薯嗰隻，我最憎人表裡不一，講咩嘢都係假嘅，算我有眼無珠，識錯人！（以後要防人，免吃虧）
想要單純嘅朋友關係，白撞嘅請高抬貴手，煩移玉步．．．

如果是真心喜歡我，欣賞我的為人，那我們握手言歡；
能結識朋友是好，但不懷好意的則敬謝不敏，我並沒有大家想像般好，但也不及自己所想像的壞；
我不怕寂寞，喜歡那孤獨的況味，對於自己那黑暗面，我珍如瑰寶；
不造次並不是不會，而是不願，我擁有高度自制能力，比任何人都更潔身自愛；
只是負能力太強總招惹瘟神。

趁新年還未到，要預先準備柚葉來洗澡，沖走衰氣。

殺殺殺！！！要借用火野麗的必殺技：　惡靈退散!!!