粉人

我寫文章大都使用白話文，偶夾雜一些俗語，然而以下的描述非以口語記下不可，因為某某人的所作所為實在太那個。

樹大有枯枝，有d人就係一世好運，明明冇料，又冇自知之明，依然可安坐其位，扮晒有能力。

本來河水不泛井水，人地好彩都唔需要眼紅，只係依家做野講team work，共同處理事情，不免被其人嘅處事方法及態度所累。

〔老鳳〕就實係嫁嘞，當晒自己係老細，做個爛鬼經理以為自己好了不起，年資長代表好叻好能幹咩？吓吓點人做野，有鑊就勁卸俾人，又老人痴呆，講過當冇講，俾親佢d野奉旨不翼而飛。

〔咩你有俾過我咩？冇！你冇俾過我．．．〕
〔我已經俾番你喇，你自己捰吓啦．．．〕

嘿！最後人贓並獲，仲想抵賴？真係想將佢以〔狗頭斬〕侍候。

都唔明白佢點可以o係度生存〔睹〕，哩度絕大部份嘅人都好smart嫁嘛！system野唔曉，process flows又唔知，最不知所謂嘅係一d ownership都冇，自己d project旨意人地跟，自己闊佬難理。

仲要成日聲大大發惡鬧人，欺善怕惡，都唔反省吓係邊個嘅問題．．．

失魂夠衰啦！俾我d文件內容成日錯，有時仲離譜到冇做到以為自己做咗，反問人地點解唔跟進。

做自己野都唔好得去邊，冇logic又唔識分priority，郁吓就發脾四，sorry，我唔bind哩套，話鬼知你七孔冒煙。唔理你就唔理你。

愈講愈〔慶〕，不過我份人係咁，如果某d人嘅存在只構成其他人嘅re-work同麻煩，而佢地又冇料嘅話，我覺得佢地唔配坐哩個位攞哩份人工。

費話一輪，只想洩洩心頭之憤。