１月１日反對政客亂港大遊行實況

人聲鼎沸，某某奸賊成眾矢之的，俾人狂罵狂插至狗血淋頭．．．


十足十自由行，完全係湊熱鬧唔知頭唔知路o個隻feel，本來自拍緊，萍水相逢嘅阿叔睇唔過眼主動話要幫我拍囉～


以文華酒店旁嘅行人隧道為界，此為另一邊．．．


等候期間，好多人自薦上台發表意見。有d人講得非常好，有point；有d就唔知噏咩，恐怕連佢自己想講咩都搞唔清楚o個隻．．．冇嘅，俾人貽笑大方啫，言論自由嘛，亂噏廿四大家都會尊重嘅，只要唔係雙重標準就好．．．


劉夢熊嘅言論，惹來群眾連聲叫好，好多人都叫鄭大奸梁毛頭下台，咪再禍國殃民云云．．．


本來我都想製作好出位嘅banner，不過顧慮到別人嘅感受，作罷，但現場所見都有好多人自製了好多banner，上面所寫嘅野有d仲好激，要人去死之類囉～咁又唔可以咁過份，咁冇品唔得囉～



有人好神心，用幾枝晾衫竹做咗哩個參天嘅banner，不過佢自己拎得好辛苦，旁人又怕佢失手拍落佢地度．．．



遊行路線非常短，終點站在置地廣場門外


完畢，大家作鳥獸散