嘶啞語錄

應友人之要求，將‘嘶啞’於旅程中的妙語句子來個總結，以作記念及回味。

＃１
地點：　布拉格查理士大橋上，行人如鯽，小攤子林立。
時間：　午後

S:咦～你地覺唔覺得今日比禽日多咗好多蜜蜂呀？點解呢？
嘶啞（突然冒出頭來):哦～今日星期六丫嘛！
?????????????!

＃２
地點：　酒店的餐廳
時間：　早上

Rac:唔知哩舊係咪芝士呢？
嘶啞:哩舊一定係芝士．．．
Rac:但係上面見唔到有芝士嘅英文噃？你點知佢係芝士嫁？
嘶啞:我直覺覺得囉～
!!!!!!!!!!!!!!

＃３
地點：　瑪莉連地洞湖礦洞內
時間：　正午

嘶啞:幫我影張相丫？
S:黑蚊蚊影唔倒嘢個噃，背景咩都唔見，影來做咩呢？
嘶啞:背景唔見都影來留念囉，證明到此一遊嘛！
???????!!!!!!!

＃４
地點：　Salzburg青年旅舍房間內
時間：　晚上

Rac在洗手間內洗面，突然一下物件丟落地上的響聲．．．
嘶啞（不經意地):破壞王

我跟S吃吃地笑，不明白為何丟了東西會成了破壞王．．．
???????????????

＃５
地點：　Salzburg青年旅舍房間內
時間：　晚上

S:我喜歡‘難得糊塗’哩四個字．．．
嘶啞:係呀！我以前成日買嫁！

我跟S狂笑不已，想不出怎樣買‘難得糊塗’，後來才知道她指的是書簽。

＃６
地點：　Salzburg青年旅舍房間內
時間：　晚上

S:我都唔鐘意睇靚仔嘅．．．
嘶啞（態度認真地）:咁你鐘意睇醜男呀？

呵呵呵～

＃７
地點：　Linz 酒店的房間內
時間：　晚上

S:你到底食唔食公仔麵呀？
嘶啞:我唔覺得餓，但個肚咕咕聲叫囉～
S:咁即係食定唔食呢？
嘶啞:都想食，不過怕麻煩，你整我就食啦～

此外你向嘶啞提議任何東西，她的口頭禪會是：　都．好．噃．．．（說起來緩慢，聲調未能展現出來）

嘶啞其實是個可愛惹笑的女子，率直又帶點豪氣，她自言第六感很準，所以說話肯定，想到怎樣便說出口，沒有保留及心計。旅程中，她為我們帶來不少笑料，歡笑聲不斷。但她的緊張也令人有點壓力，跟她在火車月台上如末路狂奔的影像，此刻不禁又浮現在腦海中。