Monday, March 21, 2005

眼火爆

以下文章除了用口語寫以外,好難表達倒我嘅憤慨…

公司個女厠衛生情況非常惡劣,好多時比起公厠仲要污糟數十倍,所以話人不可貌相,四四正正,好人好姐,所謂企業菁英,但個人衛生就好那個,連基本做人嘅公德心都欠奉。

遍地黃金、風雨飄搖之餘,好多時仲會上演血染的風采,恐怖程度直迫[見鬼]。

有d人唔鍾意坐馬桶,於是要凌空撒尿,本來咁都唔係大問題,但衰就衰在佢地不知檢點,亂噴一通,攪到d地方濕濕臭臭,引來大細小強肆虐。

假日返公司,成地厠紙,地下爬滿唔同種類嘅小強,交頭接耳,厠格頓時成為[小強界]嘅樂土。可憐我要左右走避,先免於染指倒佢地......

同幾位同事講起哩件事,大家都義憤填膺,覺得d人實在過份,罔顧公眾衛生。

自己0係屋企都唔會立亂整污糟d地方啦,咁點解唔可以企理d,保持地方清潔啫?!

已所不欲,勿施於人,自己將心比心,都唔想一入到厠所會嚇餐死,要即刻彈返出嚟啦! (有時撞啱食晏前如厠,見倒滿目瘡痍,真係連胃口都冇埋...)

最近F圖文並茂,拍低厠所嘅實況,標題是:

請自重,勿隨處撒尿。

好唔客氣講句,o係冇特別原因之下隨處撒尿,其人與禽獸無異。

3 Comments:

Blogger winking said...

Maggie,因為~~~~我係金田Wing嘛~:p

事實上我只係鎖定咗一個目標,因為o個次我咁啱想入某格厠所之前,巧遇另一位同事,於是連厠所都唔去,同佢雞啄唔斷...後來阿某某走入厠格,出嚟之後便烏煙瘴氣...咁仲駛問,無所遁形啦~

女厠有三格,不過試過三格都各自各精彩,斷估一個人冇可能有咁強排泄功能掛?

敗類有好多,當我一想到哩d人可能表面好靚,打扮得好花枝招展,但私德卻如此敗壞之時,真係心都寒埋呀~-_-

Aweful...

10:32 pm  
Anonymous Anonymous said...

對於你遭遇我感到遺憾和驚訝(還有點兒想吐!) :c======

見議你在廁所當眼處張貼一些打油詩式的警世詩文(如: 痾屁唔認屁, 屎忽爛到年初四)之類的歹毒標語! 愈惡毒, 愈見功效!

1:43 pm  
Anonymous Anonymous said...

某金融機構自從不再在廁紙筒 mount 上廁紙,要員工自備後,起碼男廁所見乾淨左

8:32 pm  

Post a Comment

<< Home